澳門丸記清湯腩王 (已搬遷) 新店位置

有时收工想食得简单啲，但同时都要有质素👍🏻一碗粉面看似简单，但要煮得好食都唔容易。虽然只系一间粉面铺，但重新装修之后，光猛咗又增添年轻嘅感觉。🔸海南鸡饭 $𝟓𝟑好钟意食海南鸡饭嘅我😋去到边只要有海南鸡饭都会点。呢度嘅海南鸡饭好大碟！海南鸡唔会太油，而且好入味🐔份量都几够，仲会跟两个酱汁，其中绿色嘅秘汁酱汁酸酸地几开胃😋不过鸡油饭略嫌有点干，但好大碗，好够男士食👍🏻食到最尾，隔离枱同样点咗海南鸡饭嘅男士，突然问侍应系咪有个汤跟埋🙃我先如梦初醒…如果有汤跟埋就更加好，可以解决饭太干嘅问题。🔸清汤牛腩河+牛丸 $𝟒𝟖+$𝟏𝟎嚟到清汤腩王唔系唔试佢嘅牛腩呀🤤原来呢度嘅牛腩系三代相传嘅家传手艺，质素保证！汤底几清甜，唔会太油腻。牛腩炆到软淋淋，肥瘦均匀，咬落唔会干柴😋运个河粉都好出色，够弹牙唔会断开一截截❕而牛丸都唔错，够哂弹牙唔会太硬。🔸酥炸鲜虾云吞 $𝟐𝟓小食方面叫咗炸云吞😋平时好少食呢啲，怕太油腻。但上枱见到炸到金黄色嘅小云吞，忍唔住试咗旧🥟望落冇油光，咬落脆卜卜，更加唔油腻，啖啖虾肉几新鲜，冇雪味🦐