忠記咖啡屋‧私房菜 (已結業)

餐厅喺铜锣湾渣甸坊嘅其中一座食厦里面，等䢂可能要耐啲，但系因为餐厅系一楼，行楼梯仲快d。餐厅嘅装修好平，就好似平时食开嘅茶餐厅咁样，啲菜式同埋价钱都好亲民。酥炸美国桶蚝$168成晚最豪就系食呢个炸蚝，一刻有六件，五村非常抵，但系啲蚝都几大只，即叫即炸，外面嘅炸皮炸得非常香脆，里面嘅蚝热辣辣，火候啱啱好，成只胀卜卜。咖喱薯仔牛腩煲$75呢个份量好多，咖喱落咗好多咖喱粉，好够味，质地系结结地𠮶一只，送饭好惹味。另外就系牛腩都有好多件，特别钟意佢瘦肉同牛筋分开，因为我本身钟意食牛腩肉，唔钟意食牛筋，牛筋留返俾朋友食就唔会嘥野，牛腩炆得好琳，好入味。啲薯仔炆到连个心都好似食咗咖喱味咁。冬菇时蔬扒豆腐$68炸豆腐好大嚿好滑，冬菇都好大粒，煮得好琳，又够味，成个𩠌都好健康。简简单单，两个人食咗300几。