灑家燒味小廚 (已結業)

上网见到呢间中餐厅D食评都几好，其实一直都想黎帮衬下试下但又冇时间，最后今日终于去到食个早餐，好耐都冇食过中式点心。洒家系V city嘅二楼，唔难揾。V city 都几多野食，但其实多数都系西式呀日式呀咁，中式我未食过嘅得呢间。不过其实我一早就决定咗食佢，所以都冇考虑其他舖头咁多。朋友话洒家嘅下午茶好抵食，点心又做得唔错，虽然我而家系早餐时间食，但叫点心应该都有番咁上下水准嘅~ 我去到唔洗等位即刻就入得，坐咗系中间长枱嘅位置，舖头唔算系太大，但装修几有心思，灯光足够而且干净企理，座椅方面亦算舒服，我坐低咗跟住就有WAITRESS比咗餐牌我，同埋帮我倒咗杯热茶。我叫咗春卷同牛肉球，好耐冇食哈哈！过咗一阵D野食就到咗，个春卷来到先，我叫呢个系罗汉斋春卷，食落脆身，应该唔系已经炸咗好耐个D，而之后个牛肉球就热辣辣啱啱蒸好咁上，望落肉质偏粉红色，唔似有时食到个D啡啡黑黑，有少少葱粒，食落爽口，因为有几多嘅马碲粒，同埋咬落肉质不错，有D弹牙再加上爽口嘅马碲粒，整体都好食，牛肉味算重，几新鲜。