Délifrance (愉景新城)

营业中

休息中

Lunch唔知食咩好，上次食完Delifrance，觉得唔错，又喺公司附近，非常方便。我哋叫咗两个set，分别香蒜海鲜意粉配热抹茶牛奶、烟三文鱼卡邦尼意粉配热特浓牛奶咖啡，仲加配了芝士薯条及蓝莓芝士切饼，非常丰富。香蒜海鲜意粉配料丰富，有蚬、大虾、蒜蓉及洋葱，蒜香味十足，而意粉偏弹性，烟韧有咬口，不错。 烟三文鱼卡邦尼意粉配料有满满嘅烟三文鱼、烟肉、洋葱及蘑菇，配上creamy卡邦尼汁，非常好食。芝士薯条热辣辣嘅薯条配上芝士，邪恶之选，但好食，正！蓝莓芝士切饼芝士味浓厚，配上酸酸地嘅蓝莓酱，绝对系完美配搭。抹茶牛奶及特浓牛奶咖啡饮品都唔会太甜，而且抹茶味突出，咖啡非常香浓。