Kachimushi

营业中

休息中

放假去开锦田，行过见到呢间门面好简约嘅Cafe就谂住入去试吓，点知一试就好有惊喜。入到去职员安排咗舖头入边坐榻榻米嘅枱俾我哋，原来舖头出面仲有一个好日式嘅打卡位，可以比客人自由出去打卡，我都影咗好多靓相。入咗呢间餐厅就真系好似去咗日本咁，完全系日本嘅风味。我哋一行两个人叫咗一份和牛吐司、波特蘑菇吐司、黑松露蟹肉酱吐司同抹茶红豆pancake。和牛吐司好友牛味，食落一啲都唔会硬，而波特蘑菇就真系好有惊喜，入边嘅黑椒带出咗蘑菇同黑松露嘅香味，推介大家试。黑松露蟹肉酱吐司都超出色，蟹肉酱好香，蟹肉酱好大碟，好味到可以全部食晒。最后甜品就系抹茶红豆pancake，一上枱，就感受到热辣辣新鲜整嘅感觉，pancake上面嘅雪糕同pancake食落有种冰火交加嘅感觉。而且pancake底好香蛋味，食落完全唔会太甜。估唔到锦田呢个地方虽然偏僻，但系都会有一间咁出色嘅Cafe。