影片
更多
2020-04-30
214 浏览
餐牌选择唔多，一眼睇晒，有前菜、扒类、饭、意粉。餐厅装修以黑白为主，走简约路线，石纹餐枱同图案餐碟增添几分高雅，加上爵士音乐的确几写意。鲜番茄蓉意式烤法包 HK$58番茄凉凉地非常新鲜，天然酸味好醒神，加上香草、芝士、橄榄油，我仲自己落左少少黑椒，每一啖都好丰富，当然唔少得烘到金黄色嘅法包，放上湿润嘅番茄蓉都保持到香脆。红酒牛颊肉意大利饭 HK$128牛颊肉好入味，腍身得黎唔会散开，红酒汁煮得几好，够浓稠，保留到香气之余亦冇酸味，同牛肉相当夹，饭粒几烟韧，我最钟意用汁送饭，岩晒我。烟腩肉芝士蛋香意大利面 HK$118烟腩肉即系Pancetta，有别于烟肉Bacon，其实Pancetta冇烟熏过，只系用盐同香料腌制，切粒咬落较腍，充满咸鲜，唔似Bacon好易煮到好硬。酱汁未食已经闻到劲香，芝士同蛋味浓厚，扁意粉煮到al dente，弹牙挂汁，酱汁真系好浓，一个人食可能会滞，同朋友分享就一流。日本红豆奶冻 HK$38奶冻够滑够挺身，虽然奶味唔重，但配埋 甜蜜蜜嘅红豆就刚好。
餐牌选择唔多，一眼睇晒，有前菜、扒类、饭、意粉。
餐厅装修以黑白为主，走简约路线，石纹餐枱同图案餐碟增添几分高雅，加上爵士音乐的确几写意。
鲜番茄蓉意式烤法包 HK$58
番茄凉凉地非常新鲜，天然酸味好醒神，加上香草、芝士、橄榄油，我仲自己落左少少黑椒，每一啖都好丰富，当然唔少得烘到金黄色嘅法包，放上湿润嘅番茄蓉都保持到香脆。
红酒牛颊肉意大利饭 HK$128
牛颊肉好入味，腍身得黎唔会散开，红酒汁煮得几好，够浓稠，保留到香气之余亦冇酸味，同牛肉相当夹，饭粒几烟韧，我最钟意用汁送饭，岩晒我。
烟腩肉芝士蛋香意大利面 HK$118
烟腩肉即系Pancetta，有别于烟肉Bacon，其实Pancetta冇烟熏过，只系用盐同香料腌制，切粒咬落较腍，充满咸鲜，唔似Bacon好易煮到好硬。酱汁未食已经闻到劲香，芝士同蛋味浓厚，扁意粉煮到al dente，弹牙挂汁，酱汁真系好浓，一个人食可能会滞，同朋友分享就一流。
日本红豆奶冻 HK$38
奶冻够滑够挺身，虽然奶味唔重，但配埋 甜蜜蜜嘅红豆就刚好。
张贴
