Contrast

营业中

休息中

早排不断畀呢间cafe洗版，出开长沙湾终于试到，装修有用过心思，基本上坐边个位影相都靓，不过啲枱一系过高一系过矮食嘢唔太方便，平日约十二点就开始有人排队。🍽牛肉汉堡配牛油果角汉堡好足料，竹炭面包夹住厚厚嘅汉堡扒，红洋葱、大啡菇片、芝士、番茄、沙律菜等，牛肉都算juicy，但味道较淡同生左啲，面包畀啲酱汁整到淋晒。反而炸牛油果角几得意，外脆内creamy，配埋个酱几好食。🍽鸡蛋布丁布丁蛋香重又够滑溜，上面嘅忌廉轻盈到似泡沫，Espersso分开上，好似affogato 咁自己加落去，咖啡嘅苦涩中和左焦糖汁嘅甜腻，果然系呢度嘅招牌作🍽咖啡巴斯克芝士蛋糕蛋糕面头有焦香，咖啡同芝士味平分秋色，质感creamy，推荐！☕️Matcha Latte拉花好靓，啱啱饮嘅时候奶味好重，原来啲粉喺底未捞匀，但都系味道较淡，无咩回甘。☕️Latte咖啡味道应该偏nutty，有淡淡嘅烘焙香，比抹茶拿铁出色。P.S.甜品同环境都唔错，上菜次序系甜品行先，有啲奇怪，虽然我唔系好介意，但如店员落单时问下客人嘅preference就更好啦。