第三站

今日约左朋友食饭，佢话要带我去食楼上cafe。上到黎见到劲多人，入门口见到门口柜放左好多board game，可以比客人慢慢玩。餐厅装修简约，干净整齐，全部都系梳化位。地方阔落，坐得好舒服。呢度有散叫同set dinner，另外套餐加$38就有沙律同蛋糕，劲抵食。沙律：洗得干净，爽口，再配上日式麻酱，好fresh呀!黑松露带子鲜菌会意大利饭：超多带子同菇，好香黑松露味道，意大利饭湿润黏口，调味刚好，唔错。烟三文鱼忌廉蕃茄酱扁意粉：烟三文鱼卷成花有惊喜，配埋酸酸嘅蕃茄酱汁，更加醒胃，整体味道好好。饮品：朋友叫左特浓朱古力，我就叫左oreo曲奇奶昔，两杯都铺满cream，好吸引，甜度刚好，好好饮。蛋糕：法国朱古力蛋糕口感软绵，而纽约芝士口感就比较实正同细滑，两款蛋糕唔会太甜，都几好味。