蒸廬

营业中

休息中

放假最好同屋企人叹一盅两件，奈何好多酒楼都系蓝嘅连锁店，除左早排告急嘅富东阁外，沙田友可以考虑下蒸庐。虽然店仔细细，但点心炖汤甜品样样齐，屋企人都几满意食物质素，今次已经第3次到访。每逢六日都人头涌涌，好彩我11:30前到，无几耐已经有十几人排队。.南瓜凤爪排骨饭:笼仔荷叶蒸饭系佢地嘅拿手菜，阿爸每次可以食晒一个，啲排骨嘅蒜香同淡淡嘅荷叶香渗落饭粒度，排骨唔梅但有少少肥，个饭仲有南瓜粒同菜心铺面，配搭均衡。鲜虾菜苗饺:菜苗饺有满满嘅豆苗，鲜虾无雪味，可惜今次块皮太软，一夹跌晒啲馅出黎，上次无呢个问题，应该一时失手。.鱼汤虫草花鲜竹卷:呢个有啲惊喜，腐皮厚薄适中，鱼汤煮到奶白色清清地，无蚝王/上汤咁油腻。绿茶豆沙煎软饼:呢款喺其他酒楼无见过，𠮶皮绿色好抢眼但有色无味，口感烟烟韧韧，豆沙馅稍甜，但作为饭后甜点都唔错。之前食过佢嘅黑金流沙包同其他点心都有一定水准，不过近厨房位置嘅卫生情况欠佳，喺客人坐嘅地方附近倒水同垃圾，几次黎地下都系湿嘅，希望店家改善下。