新斗記 (已結業)

同老公两个食晚饭，铜锣湾中菜选择多，新斗记我第一次食。七点半后记得订座，好彩今次净系等左20分钟就有位啦！同桥底附近啲中菜价钱差唔多，但拥有米之莲的光环嘅新斗记，自然觉得抵食啦。叫咗个自己响屋企好难煮嘅糖醋一字骨，用锡纸包好热辣辣，略嫌肥咗少少，如果可以唔好咁肥会好好多！肉汁鲜嫩。天气冻最好就系食煲，平时会叫鱼香茄子煲，今日比我见到荔芋腊味煲，突然口痕痕又想试吓。有小小椰汁味而且腊味丰富，腊肠润肠同埋腊肉都有。亲埋碗白饭刚刚好。两口子食两个𩠌加埋甜品埋单三百几蚊，甜品叫咗红枣糕，虽然等耐左小小，但真系好好味，两层中间仲有一层夹心。值得叫下！