第一郡 (已搬遷) 新店位置

听过朋友讲过深水埗呢条街有唔少好野食，其中一间系食越南野。见到个店面同想像有少少唔同，无好似其他越南或泰国餐厅咁有返啲当地特色嘅装饰，个外观真系好普通。你无留意门口啲相嘅话会好易行过咗都唔留意🤣入到去个座位布置同一般香港家庭式小店差不多。餐牌上都有唔少越式茶，包括法包同米纸卷。见其他食客都食紧一碗碗嘅面，就于是点返个汤檬啦！平时食越南汤檬都系叫生牛肉个啲多，今次见主打系蟹糕蕃茄汤檬，于是就叫佢啦！成碗野一睇最特出都应该系旧蟹糕吧 但原来个汤底都好特别，饮落有阵阵嘅蟹糕鲜味，仲加埋啲香料一齐，我认为成碗最精华都系个汤。至于檬粉呀同其他配料食落就一般。食完有啲意犹未尽，就叫返份米纸卷带走返屋企当茶点。30蚊有两个卷但个米纸卷我就觉得一般般姐。同埋配嘅酱汁我自己就觉得唔系真系好夹，无助令个米纸卷变得更好味，只系唔好咁干身。