臻味冰室豬扒酸辣米線

营业中

休息中

耐唔耐就会有好想食米线嘅心出现，最后说服同事一齐去食，之前lunch 都有嚟食过，所以知一到12点几就会爆晒场，一放lunch 即刻冲嚟，果然转个头就爆晒要等位。呢度最出名就系猪扒米线，同事就叫咗酸辣猪扒米线，要戒口嘅我唯有叫清汤猪扒米线，每碗都系$40。我地有两个人唔知点解姐姐净系俾一杯水我地😂，所以拎嚟洗筷子算🤣 一开始嚟错咗，两碗都嚟咗酸辣，等姐姐帮我换返碗清汤。同事个酸辣真系好吸引，不过我个清汤都唔差，清汤仲有几旧白萝卜。猪扒都大块同埋几淋几香，同事就话个汤够晒味又唔会话太辣。整体就系不过不失，今餐算系解一解个米线瘾，希望下次嚟唔驶戒口可以食返酸辣。