馬祖 (海之戀商場)

营业中

休息中

第一次黎海之恋商场，陆续都有食肆开业。睇马祖标榜药膳有关的粉面，都有gimmick, 就试下。1.虫草花药膳农场鸡米线+爱文芒果茉莉花茶米线比起外面食开的稍幼身，但好滑！亦完全唔会断开，软硬适中。主角当然系鸡，都有几块鸡件，鸡肉几有香味，且竟然非常滑，正。配料则有好多虫草花，仲有少量木耳及菜，药膳汤底有d杞子、红枣。但其实完全冇药膳味亦都唔会有药材苦味。2.药膳养生汤墨鱼春卷拼白菜猪肉饺米线+蜂密茉莉花茶。白菜猪肉饺味道一般，饺皮唔会太厚，质感我几钟意。此药膳汤底又有少少唔同味道，相对会甜少少，而都系冇咩药膳味...墨鱼春卷唔系炸果种春卷，系好似狮子狗咁长型，用面粉同少量墨鱼肉猜成，甜甜地。味道真系好普通。3.饮品蜂蜜茉莉花茶几清新，少少蜂蜜味配有淡淡的茉莉花香，值得一试。爱文芒果茉莉花茶就真系伏，好甜，人造味好浓...4.上汤时蔬时疏系生菜，都系用差唔多味嘅药膳汤浸住。生菜清清地，冇咩特别。但份量真系比较少 ...整体食物味道好坏参半，食鸡真系质素好满意，其他食物就睇你识唔识选择，哈哈。同埋唔好对药膳有太大期望。