雲家小鍋米線 (安寧大廈)

营业中

休息中

云家小锅米线闻名荃湾多年，之后系元朗开左分店，位于静中带旺的马田路，米线爱好者🐻👩🏻一直话想食，今日终于捉埋🐻👨🏽走去食。店铺小小坐位唔多，幸好刚刚有人食饱走人，唔使等位。坐低望下餐牌，除左主打小锅米线，仲有好多款小食，🐻👨🏽今晚唔知乜事胃口好好，点左麻辣小锅米线加猪大肠同金钱肚，仲叫左招牌既凉拌墨鱼头同秘制猪颈肉，同埋麻辣鱼皮外加酱拌皮蛋，🐻👩🏻我就叫左个酸辣米线。小食最先来到，酱拌皮蛋好特别用左黄金皮蛋，食落比一般皮蛋清爽，麻辣鱼皮口感Q弹爽口，小小辣好易入口。凉拌墨鱼头不愧为招牌之一，墨鱼一咬就开，味道浓郁惹味，而猪颈肉煎得外脆内爽，睇样都觉得好食。🐻👨🏽个麻辣小锅米线汤底辣中带点甜，麻度系一种享受既程度，猪肠同金钱肚卤得好入味，口感一流，而且份量十足，好似食极都食唔完咁。🐻👩🏻既酸辣汤底酸辣完全调和，好有层次感，真系食过返寻味。成餐饭外卖不绝，相当受欢迎，不愧系荃湾屹立多年，又可以系元朗开创新天地。