雲南小鍋米線

营业中

休息中

身为一名米线控，时不时都留意住有咩好味米线食，而呢间超有人气嘅云南小锅米线更系我一直都好想试嘅舖头之一🤪 去到前排终于有机会一试，果然无令我失望，即刻晋身我最爱嘅米线头三名🥰一场嚟到，当然试试佢个皇牌米线啦！当中都有唔少𩠌，包括鸡丝、腩肉同螺旋藻😋 先讲下主角米线，口感烟韧，唔会过软过硬，系我钟意嘅口感😍 另外，汤底嗌咗小小辣，仲食到少少酸味，浓味得嚟又唔太油👍🏻 不得不赞佢个鸡丝，听闻系人手撕嘅，撕得好碎，劲入味，而且份量仲唔少添！腩肉亦煮得好腍身好香口！而螺旋藻就正正常常，几钟意佢唔会太索汁，食多少少都唔怕😆另外，一向热衷于食炸酱做𩠌嘅我今次都唔例外，嗌咗炸酱同猪软骨😙 佢嘅炸酱好香口，明显炒过嚟，仲煮得相当入味，捞埋米线一齐食好正🤩 不过「食得炸酱抵得渴」，食耐咗真系有啲咸。而猪软骨都几唔错，有三大嚿，每嚿肉都煮得几腍，但可以再煮腍啲，如果连骨都再腍啲就更正！而呢个汤底因为炸酱嘅关系变得辣少少，更加惹味，相当唔错😋见佢仲有醉猪手食，平时坊间好少见，所以我哋都嗌咗份嚟食，呢个价钱有三大嚿都算抵😌 食落猪手依然爽口，充满骨胶原，略嫌花雕酒味唔够重，同埋腍啲会更易入口🙈总括而言，呢间人