靠得住粥麵小館 (已結業)

今日系葵涌广场血并左好几个钟头, 战斗力减弱中.行到攰攰地谂住揾个地方休息下, 5点几其实好多餐厅都系岩岩转做晚市, 未有太多人流, 自己行入去就几乎有位坐。贡菜海蜇头 $40海蜇头太过林身, 唔知自己食紧d咩 , 反而d木耳食落好爽口, 有d妹仔大过主人婆既感觉。 贡菜都几脆身, 总系觉得呢个小食闻味有d似曾相识。我知喇！ 食落好似谭X米米果d麻辣伴XX果D花招八角个味咁, 香料味都几浓, 有D似食紧米线味既海蜇头咁。爽脆鲩鱼皮(全熟) $46每次黎到『靠得住』既必食3宝, 一定会叫既就系鲩鱼皮 鲩鱼皮爽脆无比同好弹牙, 而且佢系以冷盘方式, 配上少少豉油食落口感真系冇得顶! 口感同平时出去食既勺鱼皮完全唔同, 但可惜份量有点少, 食得唔太过瘾. 秘制牛腩捞面 $46牛腩煮得好够火喉，食落好软熟而且好入味，牛筋食落太软身，欠左一种有咬口既感觉，云吞面既枧水味有点过重，感觉差左少少。