貴緣小鍋米線 (崇潔街) (已結業)

好一排都无食米线啦，突然好想食，即刻系脑海search 下，load 到红磡既～贵缘小窝米线～，今晚放工又走去食，挂住佢酸辣汤。酸辣小窝米线，酸辣口味好啱我，中少辣都唔会太辣。要左腩肉加酸斋，酸斋出面米线铺比较少食到，腩肉系呢度推介。👍朋友钟意呢度有芽菜底，多食菜好徤康。朋友都主打叫呢度既推介，超软滑既猪软骨、弹牙既墨鱼丸同营养价值超高螺旋藻。呢度小食，性价比好高，廿零蚊，细细碟但份量绝对唔少，咁就可以试多几款。贵缘鸡丝火山，除成个山既鸡丝外，入面仲夹住啲炸菜，口感唔错。蒜香酱油鸡翼，蒜泥配鸡翼一样好味。孜然凉皮条，几特别，浸一浸汤仲好味。