譚仔三哥米線 (竹園廣場)

营业中

休息中

谭仔三哥几乎系我呢排嘅饭堂，见佢新出左几样野，费事成日食开𠮶几样，今次试吓新推出嘅螺酸汤猪皮螺片米线 一上枱已经闻到好香嘅酸笋味道，食落个汤底好正宗，酸酸辣辣，但同平时𠮶种酸辣又有啲唔同，汤底采用深海海螺切片加入用传统古法腌制嘅爽脆酸笋同酸辣豆角，酸香鲜甜，几特别又几好食，越食越过瘾～配料方面，有海螺片同埋麻辣猪皮，个人觉得份量都几多，海螺片同猪皮都大大块👍🏻真系好惹味食谭仔三哥唔可以唔叫小食，试埋新出嘅椒麻凉拌鱼爽肚 之前出过鱼爽肚之后一直都作为配料，爽口弹牙好受欢迎，今次见到佢出咗小食即刻点，配埋三哥秘制椒麻汁同手拍青瓜，好味，虽然佢五小辣，但食落又唔算好辣，好钟意呢个辣汁！ 饮品方面，试左新嘅凤梨蓝蝶花香特饮，一上枱已经好吸引，好靓好岩打卡，以凤梨同青柠调配，底层系凤梨果茸，加入颜色独特的碟豆花，做出渐变效果，味道酸酸甜甜👍🏻解渴又解辣，将特饮提升至另一层次。