影片
更多
2024-12-02
276 浏览
米线食得多，但用铜锅上的真系少见。呢间同事极力推介，真系一试返唔到转头！晚市人头涌涌要等位，第一次嚟，当然要点晒佢啲招牌小食。香煎墨鱼饼真系食到粒粒墨鱼肉，好爽口弹牙！！！炸脆脆虾胶豆卜新鲜热辣，脆到不能形容，真系必食！每粒好似乒乓球咁大，咬开入面满满的虾胶，同墨鱼饼一样爽口弹牙，必食必食必食，重要事讲三次！牛肉紫菜蚝仔肉碎饭配炸猪扒每粒蚝仔都好饱满，新鲜肥美。牛肉一大块，量也不少。仲有满满的紫菜，真系超足料的一碗肉碎饭！猪扒大大块，肉质滑嫩，又系好好食！招牌春城铜锅米线米线的汤底一定要饮，一啲都唔肥腻！有点贪心，选了猪大肠、猪膶、螺旋藻和肉眼筋，上枱系大大兜，全个兜都满晒，份量超足。猪润点解可以咁爽口？一啲沙都冇？肉眼筋爽口之余亦啖啖肉，仲有肥美的猪大肠，满满的螺旋藻和配料酸菜、木耳丝、腐皮、芽菜等，成锅真系好出色！个人觉得冇乜挑剔，我选的BB辣，又啱晒我胃口！但系下次一定会系扣底，因为份量真系好多，米线食唔晒🥲好耐未食过咁出色的一碗米线，呢间真系可以一星期食几次！呢间米线小店每样出品都好出色，价钱亲民，连杯冻柠宾都好好饮，食完真系好惊艳，仲即刻推介咗俾几位朋友！！真系一定要嚟食！要
呢间同事极力推介，真系一试返唔到转头！
晚市人头涌涌要等位，第一次嚟，当然要点晒佢啲招牌小食。
香煎墨鱼饼真系食到粒粒墨鱼肉，好爽口弹牙！！！
炸脆脆虾胶豆卜新鲜热辣，脆到不能形容，真系必食！
每粒好似乒乓球咁大，咬开入面满满的虾胶，
同墨鱼饼一样爽口弹牙，必食必食必食，重要事讲三次！
牛肉紫菜蚝仔肉碎饭配炸猪扒每粒蚝仔都好饱满，新鲜肥美。牛肉一大块，量也不少。仲有满满的紫菜，真系超足料的一碗肉碎饭！猪扒大大块，肉质滑嫩，又系好好食！
招牌春城铜锅米线米线的汤底一定要饮，一啲都唔肥腻！
有点贪心，选了猪大肠、猪膶、螺旋藻和肉眼筋，上枱系大大兜，全个兜都满晒，份量超足。
猪润点解可以咁爽口？一啲沙都冇？肉眼筋爽口之余亦啖啖肉，仲有肥美的猪大肠，满满的螺旋藻和配料酸菜、木耳丝、腐皮、芽菜等，成锅真系好出色！个人觉得冇乜挑剔，我选的BB辣，又啱晒我胃口！但系下次一定会系扣底，因为份量真系好多，米线食唔晒🥲好耐未食过咁出色的一碗米线，呢间真系可以一星期食几次！
呢间米线小店每样出品都好出色，价钱亲民，连杯冻柠宾都好好饮，食完真系好惊艳，仲即刻推介咗俾几位朋友！！真系一定要嚟食！要嚟食！要嚟食！
张贴
