家全七福 (H Zentre)

营业中

休息中

好开心，今日今日跟朋友嚟到呢间享负成名嘅中餐馆食饭。听闻湾仔𠮶间成日都book唔到，今日嚟到尖沙咀呢间新舖头试一试！地方好阔落，好光猛，对住个景食中餐，非常满足！试一试佢个套餐，只系$1000 ，但系有起码10种嘢食。第一种系鸡子，我开头都好惊，但系试咗之后，呢味𩠌真系好特别，炸到嫩嫩的，好似炸豆腐咁样，完全冇奇怪嘅味。随后就有蜜汁烧膳同埋皮蛋萝卜，腌制萝卜好入味，唔太咸，两样都好好食。焗蟹盖真系一流，好新鲜，满满嘅蟹肉，炸到外边脆入边暖食过包寻味。我最钟意就系食佢个瑶柱荷叶饭同埋水煮牛肉，估唔到呢两味𩠌好似好简单，但系都别有一番风味。水煮牛肉嘅质素好高，牛肉嫩口，同水煮个味好夹。荷叶饭好足料，入边有满满嘅蟹肉，冬菇，瑶柱，口感好丰富，份量啱啱好！甜品仲有几种，有合桃露芝麻卷同埋红枣糕！红枣糕一尘一尘咁样食，唔系太甜。烟烟韧韧，好想要多旧。$1000可以食到咁多好嘢食！真系好饱啊 ！