蔦 (已結業)

刚刚中午时间经开，唔太多人排队，即时试下所谓米芝莲一星系点。门面都几明显一贯拉面店作风，menu 种类唔多。价钱系中上价店内有bar 台，仲有一个大开放式厨房，可以见到师傅整拉面过程，内部都算干净。麦茶$15一杯，可以refill，有冻有热选择，系师傅每朝煲，望落去好浓，但饮落都唔会太难入口。盐味拉面(4片叉烧加蛋）汤底都可以，唔会太浓，清清地，但略为油左少少，面质可以接受，唔会太硬太淋。叉烧唔会太肥，够大块，笋系一条过，冇切碎。酱油味有黑松露酱系里面，所以汤底偏浓，重口味朋友仔可以选择依个汤底。骰子肉肉质唔太嚡，细细粒，价钱可以接受，当小食都几好，加埋葱更为香口。提外话：坐bar台，会加分，可以睇埋师傅点做，视觉享受。此面店唔同其他拉面店，不能选择面硬度。