逸東軒

营业中

休息中

近排喜欢食中菜，比较吓边度嘅叉烧好味。呢度有米芝莲一星推介，今晚就嚟试吓系咪咁好食先😼餐厅环境阔落，坐得舒服。🔸烧味双辉 - 蜜汁叉烧、脆皮烧腩仔 $398为咗叉烧而嚟嘅猫奴流晒口水🤤 沾满蜜汁嘅叉烧肥瘦适中，咬落有肉嘅油香，肉质腍身。如果多返啲㶶边位就更perfect喇😋烧腩仔有惊喜，一层肉一层肥。表层非常香脆，黄芥辣系好温和嘅调味，出色👍🏻🔸砂锅姜葱爆乳香银鳕鱼 $298粒上嘅银鳕鱼外脆内软，爆起咗嘅豆瓣酱好香，沾上用薄薄嘅炸衣包住鳕鱼，既香脆嫩滑又惹味😋🔸蜂巢茘茸鸭 $298惊喜之选😽 蜂巢芋茸炸得唔油腻同油淋淋，蜂巢咬落好松化加上软绵绵嘅芋茸同炸至脆口嘅鸭肉，好出色👍🏻🔸花胶鲜杏汁炖白肺 $188吖咗两个炖汤，两款都好足料好浓，白肺汤杏汁味好出。🔸花菇黄耳竹笙炖菜胆 $178呢款汤相反较为清淡，刚好一浓一淡中和返。店员服务系有礼貌嘅，不过细节欠奉。好多时店员突然从后好近咁递上menu问需唔需要甜品因为就嚟last order，又会突然从后出现递上收据催埋单赶收工。(响其他酒店唔会咁。。。😐) 餐枱咁大，点解偏偏要响客人后面出现呢？大可从上菜位等客人见到店员先，呢个做法真系不解。