影片
更多
2020-09-16
1288 浏览
❀ Caprice 中环❀❗️米芝莲三星高质法国餐厅服务环境气派冇得弹❗️ ——————————————————位于香港著名五星级四季酒店嘅6楼，望住一览无遗嘅维港景色🏙餐厅装修有法国古典优雅格调，特别采用开放式厨房，行过嘅时候会望到厨师制作嘅过程，当日仲闻到非常香浓嘅芝士味添☺️最令人赞叹嘅除咗高质嘅食物之外，一定系佢贴心嘅服务，侍应会细心同你介绍菜式，时刻留意着你嘅需要，当日我哋唔小心跌咗个口罩袋喺地下，佢都即刻比一个新嘅口罩连信封我哋，我觉得五星级嘅体验就系呢啲微细嘅地方都照顾得到✨。.午市嚟到主要有三款选择：♥ 3 courses(appetiser, fish/meat, dessert) $645♥ 4 courses(+soup) $790♥ 5 courses(+soup, fish and meat) $895。我哋拣咗3 course menu，其实佢仲会送多一个前菜同埋甜品，所以已经够晒饱好满足🥰不过提提大家如果想坐窗边位就最好预早几个月book位，因为我同做咗成个几月book都只系坐到第二排🙈。.✷𝑀𝑒𝓃𝓊✷☞四款新鲜烘制餐包🍞落单后先会提供四款微温餐包。有非常酥脆
❗️米芝莲三星高质法国餐厅服务环境气派冇得弹❗️
——————————————————
位于香港著名五星级四季酒店嘅6楼，望住一览无遗嘅维港景色🏙餐厅装修有法国古典优雅格调，特别采用开放式厨房，行过嘅时候会望到厨师制作嘅过程，当日仲闻到非常香浓嘅芝士味添☺️最令人赞叹嘅除咗高质嘅食物之外，一定系佢贴心嘅服务，侍应会细心同你介绍菜式，时刻留意着你嘅需要，当日我哋唔小心跌咗个口罩袋喺地下，佢都即刻比一个新嘅口罩连信封我哋，我觉得五星级嘅体验就系呢啲微细嘅地方都照顾得到✨。
.
午市嚟到主要有三款选择：
♥ 3 courses(appetiser, fish/meat, dessert) $645
♥ 4 courses(+soup) $790
♥ 5 courses(+soup, fish and meat) $895。我哋拣咗3 course menu，其实佢仲会送多一个前菜同埋甜品，所以已经够晒饱好满足🥰不过提提大家如果想坐窗边位就最好预早几个月book位，因为我同做咗成个几月book都只系坐到第二排🙈。
.
✷𝑀𝑒𝓃𝓊✷
☞四款新鲜烘制餐包🍞
落单后先会提供四款微温餐包。
有非常酥脆香口嘅芝麻牛油酥、我最爱嘅软糯无比香草软包、较为经典嘅法包、同埋栗子酸种面包。
配上顺滑嘅有盐牛油或者冇盐牛油任君选择。
Bread
31 浏览
1 赞好
0 留言
.
☞Amuse bouche白萝卜酿生虾🦐
厨师额外送上嘅开胃前菜，
用上两块爽口薄切嘅日本daikon白萝卜包住弹牙生虾，配上鲣鱼汁，清甜开胃。
Amuse bouche白萝卜酿生虾
52 浏览
0 赞好
0 留言
.
☞ 法式鸭肝冻批伴大黄根配士多啤梨果冻🦆
沟咗砵酒制成云石纹嘅鸭肝冻，面头再有层薄薄嘅嘅啫喱。
入口即溶，感受到鸭肝嘅油润得来又唔会好似煎鹅肝咁油腻。
最欣赏佢配上士多啤梨果冻，斋食会有少少酸，但两者配埋一齐平衡得非常之好，再配上爽口薄片大黄根，增添成道菜嘅口感👍🏻。
法式鸭肝冻批伴大黄根配士多啤梨果冻
126 浏览
0 赞好
0 留言
法式鸭肝冻批伴大黄根配士多啤梨果冻
86 浏览
0 赞好
0 留言
☞ 鲷鱼酿橄榄配意大利青瓜🐟
用上藏红花、洋葱、蒜头、忌廉制作酱汁，味道独特得来又容易接受。
可惜系鲷鱼比较鞋。
鲷鱼酿橄榄配意大利青瓜
83 浏览
1 赞好
0 留言
鲷鱼酿橄榄配意大利青瓜
32 浏览
0 赞好
0 留言
☞ 法国乳鸽伴蚕豆配威士忌鸭肝酱🐦
呢款系caprice嘅镇店之宝！
厨师建议四成熟，切开果然粉嫩，但又唔会有血水味，最欣赏佢冇平时中式酒楼乳鸽𠮶种苏味同埋鞋口，同平时食开嘅乳鸽完全系两种口感味道👍🏻。
表面加上巴马臣芝士、亚麻籽、面包碎整成嘅薄脆，香口不过可能我哋影咗一阵相所以就冇咁脆。
同样地都系上菜先会淋上酱汁，酱汁系威士忌鸭肝酱，有少少猪红嘅味道，的确几复杂。
而沙律上面𠮶几条红色野其实系乳鸽嘅tenderloin，入口更加嫩！
法国乳鸽伴蚕豆配威士忌鸭肝酱
91 浏览
0 赞好
0 留言
.
☞ 榛子牛奶朱古力慕丝配榛子雪糕🍨
层次非常丰富嘅榛子甜品，
香浓嘅榛子雪糕、薄脆牛奶朱古力、顺滑浓郁嘅慕丝、脆口嘅饼底，
各种唔同层次嘅榛子朱古力系个口度爆发，
食到我哋两个超级满足。
榛子牛奶朱古力慕丝配榛子雪糕
52 浏览
0 赞好
0 留言
.
☞ 杏仁疏乎厘配云呢拿雪糕🧁 (+$150)
人生食过最贵嘅疏乎厘，
份量比想像中大，有成只手掌咁大🤩，
入口即溶得来又唔会好似食紧一堆泡泡，湿润细密，
特别欣赏佢喺容器嘅内层整咗层砂糖薄脆，好似creme brulee表面𠮶层焦糖，第一次喺疏乎厘度食到呢个口感😋。
杏仁味道香浓未有太香精嘅味道，只系咁啱我哋两个都唔太钟意杏仁味。
杏仁疏乎厘配云呢拿雪糕
46 浏览
1 赞好
0 留言
杏仁疏乎厘配云呢拿雪糕
105 浏览
1 赞好
0 留言
.
Petite Four🥠
最后仲会送上摆放喺手饰盒上嘅精致小甜点，
分别有热情果挞、红莓泡芙、红莓酱朱古力，
细细粒额外送上但依然保留到水准，
每一粒都有唔同嘅口感，作为完美嘅结束。
Petite four
59 浏览
0 赞好
0 留言
.
整体味道: 4.4/5 (特别推荐鸭肝冻、榛子朱古力慕丝)
整体性价比: 4.6/5 (包括环境、优质嘅服务)
.
整体来讲，喺我食过嘅fine dining当中呢间绝对占非常高嘅一席位🌟每一道嘅菜式都睇得出厨师花满心思，加上员工对菜式嘅认知同埋高质嘅服务态度，再配合超级靓嘅海景，成个用餐体验非常满意，绝对要感受一次，值呢个价钱👍🏻。
张贴
