影片
更多
2023-01-30
7441 浏览
📌 大围小馆 - 大围积福街92号地舖🗓(28/1) 星期六 ⏰ 早上10:30左右💈特式：呢间餐厅有大围总店同元朗分店，见佢有米芝莲推介所以一直都想去试，今次就谂住先试佢地嘅点心，因为网上评价呢间餐厅长期爆满，所以佢未开门我就去排队等位，店舖开10:30，我10点去到都排唔到第一轮入坐，只攞到第二轮入坐嘅飞，大约11:15先入到坐，如果想饮早茶嘅朋友可能要预早去攞飞了。不过而家有屯马线，九龙人要入大围都相对方便左。🥩🍔🌭🌮🥗🥯🥘🍲🍝🍣🥟🍤🍱食物：见佢好多点心都好有特式，甚至乎有部分出面酒楼已经绝迹，例如真正嘅灌汤饺(唔系出面个d汤浸饺)，仲有鸡窝/宫廷荷花酥/牛骨髓/沙翁等等。今次都系见到人介绍，慕名而来试佢地呢d招牌点心，等我同大家讲下🫖味道先。同行4人，总共叫左10个点心加每人一只灌汤饺，呢个份量都食唔晒要打包，但因为好多样野都想试，所以唯有叫多少少，以下我就抽几款同大家介绍下，其他就有待各位朋友仔自己去试啦。灌汤饺🥟 - 呢个系餐厅招牌点心，眼见枱枱都差唔多会叫，上枱时职员会比多一只碗你用嚟食呢个灌汤饺，只饺卖相好靓，够大只又饱满，颜色亦好吸引。影完相就将佢轻轻放入碗，但因为皮
🗓(28/1) 星期六 ⏰ 早上10:30左右
💈特式：呢间餐厅有大围总店同元朗分店，见佢有米芝莲推介所以一直都想去试，今次就谂住先试佢地嘅点心，因为网上评价呢间餐厅长期爆满，所以佢未开门我就去排队等位，店舖开10:30，我10点去到都排唔到第一轮入坐，只攞到第二轮入坐嘅飞，大约11:15先入到坐，如果想饮早茶嘅朋友可能要预早去攞飞了。不过而家有屯马线，九龙人要入大围都相对方便左。
🥩🍔🌭🌮🥗🥯🥘🍲🍝🍣🥟🍤🍱
食物：见佢好多点心都好有特式，甚至乎有部分出面酒楼已经绝迹，例如真正嘅灌汤饺(唔系出面个d汤浸饺)，仲有鸡窝/宫廷荷花酥/牛骨髓/沙翁等等。今次都系见到人介绍，慕名而来试佢地呢d招牌点心，等我同大家讲下🫖味道先。
同行4人，总共叫左10个点心加每人一只灌汤饺，呢个份量都食唔晒要打包，但因为好多样野都想试，所以唯有叫多少少，以下我就抽几款同大家介绍下，其他就有待各位朋友仔自己去试啦。
灌汤饺🥟 - 呢个系餐厅招牌点心，眼见枱枱都差唔多会叫，上枱时职员会比多一只碗你用嚟食呢个灌汤饺，只饺卖相好靓，够大只又饱满，颜色亦好吸引。影完相就将佢轻轻放入碗，但因为皮薄，所以好容易会穿，味道都相当有质素，馅料多且丰富，我个人就觉得如果再热d就会更好。
花菇金腿鲜肉烧卖 - 呢个上枱热辣辣，粒粒都好大粒，馅料多，不过有少少实，但整体表现都不俗。
流心煎糯米鸡 - 呢个煎糯米鸡我之前系凤城酒楼都有试过，相比下呢度唔系用蛋浆煎，系煎完之后放左个蛋黄系面，我就觉得特别d，糯米鸡表面煎得好香脆，但食落又唔会痴牙，入面仲有大大只花菇，不过除左只大花菇外就好似比较少馅料。
沙翁 - 沙翁都系呢度最出名嘅招牌点心之一，虽然出面仲有其他酒楼有沙翁，不过呢间店好明显有自行改良，个沙翁变得西式化，有少少酥皮嘅效果，入口酥香又唔太甜，而且size好大，有成只饮茶骨碟咁大个。同埋好彩我一入坐就即叫，因为我落完单之后无耐已经听日有人落单时，职员已经话沙翁已经售罄，我当时餐厅只系开左门一个钟头内。
☕️🍵🥤🧋🍺🍷🥃🍹🧉🍾🍶🥛
饮品 : 有普通香片/铁观音/普洱，另外仲有一款叫白牡丹拣，咁白牡丹未饮过就梗系试下啦，饮落有阵好香嘅味道，但就系香片只香味咁清香，但就多左阵唔知系咪牡丹味，因为我都唔知牡丹本身系咩味道，但都试过嘅朋友仔都可以试下。
🍽环境：餐厅环境唔算大，枱亦唔多，得大约16~18张。但门面都几古色古香，入面装修比起正常酒楼高级，光猛干净，坐位都坐得舒服，但始终店舖空间有限，枱与枱之间唔算太松动。
🤵🏻🤵🏻♀️🤵🏻♂️服务：餐厅服务都唔错，可能因为新年，每个楼面职员都好有礼貌，同埋我食碟面酱蒸排骨食到尾先见到有一粒排骨生生地，我同餐厅职员反映，店员都即时处理，将碟排骨cancel，其实我都明白蒸点心，尤其是排骨呢d，厨房出菜时好难见到系咪真系全熟，但职员都无推卸责任，迅速处理，值得一赞。
💰💸价钱：今餐茶共叫左10个点心加4只灌汤饺，连埋茶钱埋单$800，其实就真系有点贵，但佢胜在有好多特式/怀旧点心，值唔值呢个价就见仁见智了。
🐲💬总结：以我所见，除左价钱偏贵之外，等候时间就系另一个问题，如果想早入坐同食到佢地嘅限定点心，起码都要预早45分钟至1个钟系门口排队等开门，如果住得近同天气许可都可以考虑下。
推荐指数：❤️❤️❤️❤️🤍
灌汤饺
$65
132 浏览
0 赞好
0 留言
沙翁
$36
143 浏览
0 赞好
0 留言
流心煎糯米鸡
$44
158 浏览
1 赞好
0 留言
宫廷荷花酥
$44
134 浏览
0 赞好
0 留言
张贴
