影片
更多
2015-03-03
1915 浏览
小王牛肉麵係一間好食既台灣菜餐廳，佢有唔少分店，而銅鑼灣分店就係世貿中心入面。小王牛肉麵其實好易搵，上兩層電梯，行入少少就見到大大隻好醒目既小王牛肉麵牌。佢係2014及2015車軚人推介餐廳可想而知佢應該都有番咁上下。當日12點到小王牛肉麵，唔洗等位，直接WALK IN 入去早d book位仲有海景位坐，可惜我地當日係walk in 入，所以就無銅鑼灣避風塘景睇啦。小王牛肉麵員工好有禮貌，態度友善，總係帶住微笑，滿意。餐牌好易睇好清楚。仲有分店地址。半筋半肉麵(7.5/10) ($60)小王既招牌菜。牛肉麵價錢略貴。半筋半肉既牛肉麵，牛肉炆得好稔，牛筋口感好正好入味，唔會太咸，係高質素唔錯既牛肉麵。啡黑色既湯底係濃牛肉湯加上微微既藥材，非常好飲，有少少似淡味既肉骨茶，好易入口。而麵方面，有粗麵同幼麵揀，我地最後揀左幼麵，麵質口感係似米粉混合米線，少少似八方雲集既蚵仔麵，不過麵既質素好好多。呢個麵有水準，成為招牌菜亦合情合理。下次再黎打算食粗麵。三杯雞(7/10)($72)三杯雞加左香草九層塔，薑蒜，薑，蔥，再加酒，醬油，麻油，味道好香，賣相吸引。雞肉好鮮嫩，味道惹味，亦都係非常有水準既
小王牛肉麵其實好易搵，上兩層電梯，行入少少就見到大大隻好醒目既小王牛肉麵牌。
佢係2014及2015車軚人推介餐廳可想而知佢應該都有番咁上下。當日12點到小王牛肉麵，唔洗等位，直接WALK IN 入去
早d book位仲有海景位坐，可惜我地當日係walk in 入，所以就無銅鑼灣避風塘景睇啦。小王牛肉麵員工好有禮貌，態度友善，總係帶住微笑，滿意。
餐牌好易睇好清楚。仲有分店地址。
半筋半肉麵(7.5/10) ($60)小王既招牌菜。牛肉麵價錢略貴。半筋半肉既牛肉麵，牛肉炆得好稔，牛筋口感好正好入味，唔會太咸，係高質素唔錯既牛肉麵。啡黑色既湯底係濃牛肉湯加上微微既藥材，非常好飲，有少少似淡味既肉骨茶，好易入口。而麵方面，有粗麵同幼麵揀，我地最後揀左幼麵，麵質口感係似米粉混合米線，少少似八方雲集既蚵仔麵，不過麵既質素好好多。呢個麵有水準，成為招牌菜亦合情合理。下次再黎打算食粗麵。
三杯雞(7/10)($72)三杯雞加左香草九層塔，薑蒜，薑，蔥，再加酒，醬油，麻油，味道好香，賣相吸引。雞肉好鮮嫩，味道惹味，亦都係非常有水準既菜式。蒜頭煮完之後亦都可以食，我係一個唔食蒜既人，但小王煮得非常唔錯，咬落去係爽口，加上三杯雞既味吸曬入去。讚。
鳳梨黑醋骨(6/10)($72)其實即係咕嚕肉，外邊夠脆口，肉夠嫩滑，甜甜酸酸地幾開胃，亦都算唔錯，不過不失。
肉燥飯(7/10)($42)基本上食台灣菜必食既飯，從肉燥飯身上可以睇到呢間餐廳有幾多斤兩。肉燥加上珍珠米，賣相吸引。肉燥既醬油同豬肉既配合非常重要，豬肉唔可以太肥又唔可以太瘦，小王既肉燥飯平衡得唔錯，拎黎撈飯真係好唔錯。肉燥份量唔少，青瓜爽口清新，整體上係滿意既，但略嫌肥肉少左dd，如果加多少少肥肉就係一碗完美既肉燥飯。
最好埋單比錢既時候有少系禮物可以買送比親朋好友，不過價錢都幾唔平，哈哈。
张贴
