靠得住粥麵小館 (形點 II)

营业中

休息中

平时经常都会帮衬呢间米芝莲推介嘅餐厅,靠得住粥面小馆,餐厅位置喺元朗朗日路8号形点二期3楼#301A ,餐厅主打中式小菜,粥品。麻辣小黄瓜 22元,味道好清新,小黄瓜爽口清甜带点麻香,食完特别开胃。客家风味酸萝卜 22元,口感非常爽脆,酸萝卜酸中有甜,甜中带香,加上辣椒嘅味道,真系非常美味。真正东江盐焗鸡半只 148 元,鸡件分量都好多,味香浓郁,皮爽肉滑,鸡味香浓,配上沙姜油盐,风味极佳。鸡肉望落去色泽微黄,皮脆肉嫩,连鸡骨都有香味。手作煎酿豆腐 88元,肉嘅鲜味渗透豆腐,带点咸鲜味,口感层次丰富,煎香咗嘅酿豆腐软硬度适中。酸菜鱼原条仓鱼 98 元,酸菜仓鱼鱼肉嫩滑,加上酸菜,香蒜,葱花调味, 鱼肉鲜味更加突出,汤带点酸,微辣,惹味开胃,鱼肉嫩滑得嚟又唔会散晒,食落去啖啖肉。白灼猪腰猪润 68元,口感爽脆味鲜,食落去完全冇腥味,配上葱花,姜丝,花生,增加味道层次同口感,猪润软绵又有嚼劲,回味甘甜。心肝宝贝粥 78元,粥底好绵滑,加咗猪润同带子味道更加鲜甜,配上条油炸鬼真系冇得顶。