桂寶雞窩米線 (已結業)

今日同妈咪阿姨出九龙城做嘢，午饭时间系九龙城住左多年0既阿姨就推介到西贡胜记旗下的桂宝米线食嘢。去到先知原来佢系米之莲推介由于已经过左中午食饭时间，所以无咩人唔使等位。今日系平日，有午市快餐，亦有自选米线，不过自选好似唔选抵食，所以我哋叫左两个亚洲风味米线餐同一个快餐，全部都跟冷热饮品。喇沙，好足料，都几多鸡同鱼片，汤底都颇辣，唔使之前食新加坡餐厅那些，因为呢个无咩椰味。米线唔算好稔，都系小妹喜欢0既质感。冬阴公:可能都因为收取$68，所以都有两只大虾同几只连壳上0既蚬，仲有d鱿鱼同蟹柳。由于系海鲜我无咩点食，妈咪佢0地就话唔辣，偏酸，但只虾就好明显见到d便便，蚬肉就已经脱离左个壳沉左落底，味道几正宗。个饭，唔怪得叫快餐，饭都未熟就已经拎俾客人食，硬到呢...个汁系ok的，鸡就干左d，整体嚟讲嘛嘛下次如果再嚟一定唔会叫饭，虽然米线系唔错，但其实都唔算平，只系较有特色，有唔同选择。