Brass Spoon (匯豪峰) (已結業)

越南牛肉粉专门店有好多选择，听讲Brass spoon好多人都赞好，而且系米芝莲推介，所以即管嚟试下系咪咁好味。餐厅格局好有日本拉面店feel，大部份系bar枱位置。就连点餐方法都好似食拉面，每碗写一张点餐纸。配料例如洋葱、葱、芫茜同牛汤油都可以根据自己口味选择份量或者走。除咗牛肉粉，仲有几款捞檬粉同小食选择。钟意食芫茜嘅我哋都点咗多芫茜，一上枱见到成碗都铺满晒芫茜已经觉得正芽菜同香草系用小碗另上，香草有九层塔、薄荷同鹅芥。生牛肉浸喺滚汤入面，变成半熟嘅粉红色，卖相好靓。未落香草之前饮一啖汤试真啲味道，牛骨汤底清澈呈茶色，一啲都唔油腻，牛骨味浓郁但唔会过咸。之后就将香草加入汤底，挤少少青柠汁。加埋香草嘅香味同青柠嘅清新，令汤底味道更丰富河粉非常滑溜，滑到用筷子夹起时会唔小心滑走😂我牛肉都几大片唔会碎湿湿，肉质嫩滑而且牛肉味浓整体嚟讲牛肉粉的确高质，汤底同牛肉都好味。只系河粉份量比较少，同埋定价比较进取。下次会再嚟试下特级生牛肉粉。