影片
更多
2020-06-12
2355 浏览
我呢篇食评会写得比较harsh，因为攞得米芝莲推介，就应该有番咁上下水准，我食既时候都会有番咁上下期望。。。可惜，再一次印证，米芝莲评审系唔识品评中菜🤷♀️叫咗4样野食，上枱时间比较慢，第一个菜上枱要20分钟左右，最后一个菜由落单到上桌，差不多要1个钟椒盐鲍鱼：面头全部系炸蒜，避风塘式，卖相一般；鲍鱼算大只，但食落口唔入味，裙边仲靱靱地，炸蒜虽然一大堆，但唔够红椒同调味，炒得又唔够香，炸蒜都淋淋地，$88一只，麻麻地虾干韮菜花猪颈肉小炒王全晚最垃圾一道菜，唔好以为炒个韮菜花就系小炒王！一个好既小炒王第一必须够镬气，第二要惹味，因为系要用黎送啤酒既；呢两样都唔合格，无镬气之余仲无咩味，虾酱佢一定唔知要落黎吊味再者，讲下小炒王既配料，虾干佢用好细粒既虾米代替；又唔正宗咁加咗啲唔夹味既猪颈肉落去炒埋一碟，我完全唔觉得佢系小炒王，绝对系一碟XO酱炒韮菜花大杂烩。。。麻辣水煮鸡（半只）辣就辣啦，但唔麻啰，花椒八角味都欠奉。。。啲鸡唔入味，要碟菜上台后15分钟之后，我再夹果几件鸡先开始入味，开始觉得好食啲。。。啲鸡件斩到好细件，都系唔入味，斩到咁细件，仲成日唔知自己食紧鸡颈定鸡背脊（我平时唔食鸡颈
叫咗4样野食，上枱时间比较慢，第一个菜上枱要20分钟左右，最后一个菜由落单到上桌，差不多要1个钟
椒盐鲍鱼：面头全部系炸蒜，避风塘式，卖相一般；鲍鱼算大只，但食落口唔入味，裙边仲靱靱地，炸蒜虽然一大堆，但唔够红椒同调味，炒得又唔够香，炸蒜都淋淋地，$88一只，麻麻地
椒盐鲍鱼
$264
69 浏览
1 赞好
0 留言
虾干韮菜花猪颈肉小炒王
全晚最垃圾一道菜，唔好以为炒个韮菜花就系小炒王！一个好既小炒王第一必须够镬气，第二要惹味，因为系要用黎送啤酒既；呢两样都唔合格，无镬气之余仲无咩味，虾酱佢一定唔知要落黎吊味
再者，讲下小炒王既配料，虾干佢用好细粒既虾米代替；又唔正宗咁加咗啲唔夹味既猪颈肉落去炒埋一碟，我完全唔觉得佢系小炒王，绝对系一碟XO酱炒韮菜花大杂烩。。。
虾干韮菜花猪颈肉小炒王
$128
62 浏览
0 赞好
0 留言
麻辣水煮鸡（半只）
辣就辣啦，但唔麻啰，花椒八角味都欠奉。。。啲鸡唔入味，要碟菜上台后15分钟之后，我再夹果几件鸡先开始入味，开始觉得好食啲。。。啲鸡件斩到好细件，都系唔入味，斩到咁细件，仲成日唔知自己食紧鸡颈定鸡背脊（我平时唔食鸡颈的）
麻辣水煮鸡（半只）
$188
63 浏览
0 赞好
0 留言
菠萝生炒骨
我觉得系全晚最好食既一个菜了，但都系唔算出色，生炒骨啲浆汁加咗少少麦牙糖，所以夹起果阵会有少少拔丝既视觉；不过就系个酱汁唔够酸、个脆皮唔够脆、洋葱青椒爆香时间唔够耐、猪肉无猪味。。。
菠萝生炒骨
$98
47 浏览
0 赞好
0 留言
最后讲下服务，间房成十张枱，得一个服务员，做埋传菜，都几难揾人下，食物价钱唔算平，所以都会希望有更好service
整体表现得60分左右，其实食物质素系好过一般酒楼的，但米芝莲推介？？？呃鬼佬评审唔识食中菜啰🤷♀️
张贴
