桐燒日本料理 (已結業)

照燒和牛定食好開心, 今日老公過黎搵我食午飯, 因為老公好鍾意食牛…前幾日又聽同事講話呢度d 野都唔錯. 所以一心諗住黎試下!老公叫左個照燒和牛定食, 呢個定食係跟埋飯同埋前菜個賣相都ok…最初諗住俾百令蚊都應該唔會食到d 咩特別既野. 不過呢個和牛定食係出乎我地既意料之外咁好食..^^ 連我唔係好食牛既忍唔住食左老公碟牛兩舊.個牛肉既脂肪比例幾好, 所以咬落去唔會好鞋拾拾. 而且個熟既程度都係岩岩好, 唔會好過火, 仲加上個牛都好新鮮下..食左去d 肉地真係好滑…燒到d 時間岩岩好鎖住左d 肉汁~ 配埋佢D 照燒汁. 真係一流! (講到而家都有d 流口水想再去食多一次..)桐燒原來係「米芝蓮推介」餐廳，下次晚餐來慢慢再試過。