泰潮 (已結業)

泰潮卤水鸭饭呢间泰潮嘅泰国餐厅系米芝莲食店🤩，泰国菜就食得多，但泰式嘅卤水第一次食，食完觉得好好味！😋😋个套餐包左卤水鸭饭、卤水鸭肾、卤水蛋、泰式咸菜同埋泰式清鸡汤，仲包一杯泰式饮品，我order左泰式奶茶。卤水鸭肉嫩滑得黎好juicy🥰，鸭肾爽口入味，超钟意绿色嘅泰式酸辣汁，第一次点晒成碟酱汁都觉得唔够，同鸭肉嘅味道出奇地夹👍🏻，酸酸辣辣咁样，非常开胃！呢道菜所用嘅卤水汁同港式嘅卤水汁味道唔一样，呢间餐厅所用嘅卤水比较偏甜同埋有泰国风味。跟餐嘅泰式清鸡汤好鲜甜，唔系味精汤黎，而且汤可以任添，好抵食！跟餐饮品泰式奶茶都冲得好正宗，同系泰国饮嘅冇分别，好香好浓☺️！