靠得住粥麵小館 (形點 II)

营业中

休息中

𠮶日行Yoho II 3楼无意中发现开咗间新嘅中菜馆。佢开系Starbucks 隔离行到最入，门口系同其他两间餐厅连住。唔好睇佢门口细细，其实入面都几大。而且佢碗碟𩠌都好好味🥰麻辣小黄瓜 $22 🥒首先带咗个开胃前菜。小黄瓜爽脆，上面啲麻辣酱都畀得好多，钟意食麻辣朋友一定好钟意加咗少少酱都食到佢嘅辣味。🌶心肝宝贝粥 $78 🐖🐚粥真系有惊喜！原本谂住佢会同出边啲粥差唔多但系一食落去好鲜甜好绵！🤩每一啖都有满满嘅带子海鲜甜味，而且每一粒米都开哂花，好绵，唔会水汪汪。猪膶亦都系我食过最好味嘅！🐷猪润切成厚切，煮到啱啱好，咬开中间冇血水，食落爽口唔鞋，冇筋。仲要系无血水，带子亦都好鲜甜，大大粒，好足料！🤤🤤真正东江盐焗鸡 $148🐓果然系米芝莲推介！👍🏻鸡肉好滑好嫩，熟度啱啱好。虽然系盐焗但系唔会过咸，仲食到盐嘅咸香味。呢鸡仲要起咗骨，啖啖肉，唔使自己选，食得好开心🤭重庆酸菜鱼 $148 🐟酸菜鱼一嚟到真系哇一声！🗣个碟好靓之余，入面仲有原条䲝鱼😳。出面有啲餐厅好吝啬俾啲雪鱼块仲要得好少，呢度就唔同，睇得出佢系用心煮❤️䲝鱼本身肉质比较实，食落又带一点嫩滑，加上经过油泡食到有炸鱼嘅惹味冇醒味。