容記小菜王

营业中

休息中

太子小菜既餐厅真系好多，不过有米芝莲级既餐厅，不得不去呢一间。呢间餐厅一定要试佢哋既扬名国际烧肉，皮脆肉软，再加上自家制既芥末酱，真系好好食，有分大同细份量，细份量都够2至3个人食既，最紧要系肥得嚟吱嘅太腻。仲有叫咗个黄金鲜鱿，咸蛋黄十足，份量好足够，佢炸得非常松脆。再加咗个招牌沙拉骨，佢嘅沙律酱都非常之丰富，沙律酱唔会遮盖左个骨嘅味道。仲叫咗一个海皇捞粉丝煲，粉丝煲嘅粉丝非常充足，个卖相仲好丰富，唔似得其他餐厅嘅粉丝煲，只系得个咸味，佢仲有唔同嘅海鲜，鲜味十足。最后梗系要一个蔬菜，就系虾干干干啫啫帝王菜，个菜非常之嫩口，仲要劲多虾干。米芝莲味道但系平民级嘅价钱，所有食物大概$80至$100左右，真系抵食。