影片
更多
2024-09-26
528 浏览
转转口味，今日lunch buffet 食印度嘢！呢间一直以来都好想试，因为知道佢系印度菜老店！一去到就见到招牌始创于1972年，咁耐历史都可以屹立不倒，仲要系米芝莲推介～未食已经好期待！印度菜lunch buffet有个好处，一餐里面可以试好多唔同种类前菜、咖喱、主菜、新鲜Naan同甜品😍 🔸前菜除咗沙律之外，仲有印度脆饼、Pani Puri一个圆形脆米球放入豆蓉馅料，加上绿色mint sauce 口感清新，感觉轻盈！餐厅印度服务员非常亲切有礼，仲会用流利广东话，亲自教导点样配搭！👍🏻Samosa 咖哩角外皮松脆，个人觉得配搭乳酪仲好食😆印度烤鸡、羊肉卷、虾都唔错！bite size 好好，个胃有更多空间试多啲唔同嘅嘢！🔸主食咖喱都有好多唔同种类类有咖喱鱼，羊，Paneer 印度芝士、松露鸡、素菜选择Paneer makhani 印度芝士配搭微微蕃茄同香料，芝士口感类似硬豆腐！几特别，值得一试～仲有印度香米，加少少配搭咖喱，非常下饭！最吸引嘅就系Naan ！印度烤饼，即叫即做，非常新鲜～今次叫咗松露同蒜香烤饼，一睇到就非常吸引，充满油香！lunch buffet 居然会有即叫即做嘅食
印度菜lunch buffet有个好处，一餐里面可以试好多唔同种类前菜、咖喱、主菜、新鲜Naan同甜品😍
🔸前菜
除咗沙律之外，仲有印度脆饼、Pani Puri一个圆形脆米球放入豆蓉馅料，加上绿色mint sauce 口感清新，感觉轻盈！餐厅印度服务员非常亲切有礼，仲会用流利广东话，亲自教导点样配搭！👍🏻
Samosa 咖哩角外皮松脆，个人觉得配搭乳酪仲好食😆
印度烤鸡、羊肉卷、虾都唔错！bite size 好好，个胃有更多空间试多啲唔同嘅嘢！
🔸主食
咖喱都有好多唔同种类类有咖喱鱼，羊，Paneer 印度芝士、松露鸡、素菜选择
Paneer makhani 印度芝士配搭微微蕃茄同香料，芝士口感类似硬豆腐！几特别，值得一试～
仲有印度香米，加少少配搭咖喱，非常下饭！
最吸引嘅就系Naan ！印度烤饼，即叫即做，非常新鲜～今次叫咗松露同蒜香烤饼，一睇到就非常吸引，充满油香！lunch buffet 居然会有即叫即做嘅食物，大赞👍🏻
🔸甜品
Gulab jamun印度糖油果子，一个小波波浸泡喺糖水入面。比较甜，但入乡随俗又系自助餐形式，可以不妨同朋友一齐分享试吓～
Sweet Cumin seeds靠近门口位置仲有一碟四色拼盘！餐厅职员介绍原来系印度人餐后refresher，直接摆入口，几特别！
🔸饮品（餐饮）
Mango Lassi 酸酸甜甜印度乳酪饮品，芒果味道浓郁！食印度菜必点～Lunch buffet 包埋🙌🏻
Lime Soda 可以选择甜味、咸，甚至乎Mix ! 今次选择咗Mix，饮落好似港式咸柠七嘅味道清爽开胃！
总括🔹餐厅环境舒适宽敞，充满异国风情！餐厅职员服务非常好，经常会询问客人需要，介绍菜式同食法！喜欢尝试印度菜嘅朋友值得一试，一餐可以尝试唔同印度菜式😉
张贴
