影片
更多
2023-07-03
89 浏览
父亲节当然要食好啲，带咗屋企人去富豪酒家庆祝，我哋目标明确，想试吓餐厅嘅招牌阿翁鲍鱼，睇吓米芝莲一星食府嘅实力☺️▫️阿翁鲍鱼美食套餐 (每位$488) 4/5ღ精美点心拼盘 (自选3件)我地拣咗晶莹海虾饺，蜂巢荔芋角，同蟹黄烧卖仔。三样都系中上水平，个人特别钟意虾饺，皮薄烟韧，虾肉大大粒，加埋笋粒令口感更爽脆。ღ富豪靓汤虽然个汤冇用啲咩名贵食材，但饮落味道浓郁，相信应该煲咗一段时间令精华溶晒入汤里面，好有妈咪爱心靓汤嘅感觉💕ღ35头吉品鲍鹅掌时菜绝对系今餐嘅重点！鲍汁浓郁，鹅掌炆得好入味，软滑得嚟有咬感，鲍鱼就带点溏心，肉质弹牙容易咬开，真系同想像中一样咁好味😍ღ迷你瑶柱鲜虾荷叶饭饭粒吸收晒荷叶嘅香气，瑶柱同鲜虾嘅鲜味都融入咗饭里面，爽弹嘅虾粒令成个饭口感更加丰富。套餐食到呢度我哋都已经饱饱哋，试咗几啖决定打包拎走🤣ღ生磨蛋白杏仁茶蛋白杏仁茶系妈味嘅最爱，呢度嘅杏仁茶杏仁味超香，甜度恰到好处，蛋白幼滑，口感醇厚，饮完够晒滋润养颜，真系个人都靓啲！ღ精选甜美点两款甜点系合桃酥同椰汁马荳糕，合桃酥够松化，马荳糕香滑又唔会好甜，为今餐划上完美嘅句号。总结嚟讲，呢个套餐性价比好高，唔止食到招牌名
▫️阿翁鲍鱼美食套餐 (每位$488) 4/5
ღ精美点心拼盘 (自选3件)
我地拣咗晶莹海虾饺，蜂巢荔芋角，同蟹黄烧卖仔。三样都系中上水平，个人特别钟意虾饺，皮薄烟韧，虾肉大大粒，加埋笋粒令口感更爽脆。
ღ富豪靓汤
虽然个汤冇用啲咩名贵食材，但饮落味道浓郁，相信应该煲咗一段时间令精华溶晒入汤里面，好有妈咪爱心靓汤嘅感觉💕
ღ35头吉品鲍鹅掌时菜
绝对系今餐嘅重点！鲍汁浓郁，鹅掌炆得好入味，软滑得嚟有咬感，鲍鱼就带点溏心，肉质弹牙容易咬开，真系同想像中一样咁好味😍
ღ迷你瑶柱鲜虾荷叶饭
饭粒吸收晒荷叶嘅香气，瑶柱同鲜虾嘅鲜味都融入咗饭里面，爽弹嘅虾粒令成个饭口感更加丰富。套餐食到呢度我哋都已经饱饱哋，试咗几啖决定打包拎走🤣
ღ生磨蛋白杏仁茶
蛋白杏仁茶系妈味嘅最爱，呢度嘅杏仁茶杏仁味超香，甜度恰到好处，蛋白幼滑，口感醇厚，饮完够晒滋润养颜，真系个人都靓啲！
ღ精选甜美点两款
甜点系合桃酥同椰汁马荳糕，合桃酥够松化，马荳糕香滑又唔会好甜，为今餐划上完美嘅句号。
总结嚟讲，呢个套餐性价比好高，唔止食到招牌名菜阿翁鲍鱼，其他菜式都几好食，加上坐得舒服，啱晒同亲朋好友聚首一堂倾吓偈。
张贴
