何洪記

营业中

休息中

去到希慎，本来谂住上去打边炉，点知，人山人海，都唔知要等到几时先有得食，所以就落咗楼下去左何洪记食嘢。见到佢系米芝莲餐厅，所以应该有啲质素同期望。叫咗个猪润及第粥同埋净云吞。老实咁讲，啲侍应就系一贯嘅旧式港式餐厅嘅服务，真系粗声粗气嘅服务，非常有本地特色。鲜虾云吞唔错，大地鱼韭菜汤都几有虾子嘅香味，鲜虾类嘅食物有水准，云吞渌时间掌握得几好，个皮唔会太淋，入边嘅猪肉同埋虾时间掌握得啱啱好。猪膶粥粥底唔差，猪膶都算爽口同埋冇苦涩味。米芝莲应该有嘅水准，但系价钱偏高，所以对佢嘅期望系会高少少，整体不过不失冇乜大惊喜。