影片
更多
2023-03-06
2888 浏览
今年既生日饭选择系四季酒店既Caprice庆祝🥳 提早一个月就订好位。无论系环境﹑服务﹑食物质素都系水准之上，不愧为连续多年获米芝莲星级既餐厅，仲要系3星⭐️⭐️⭐️ 令人回味悠长！Caprice门面设计相当低调，穿过走廊会见到无尽既落地玻璃窗，空间感十足，将维港对岸景色尽收眼帘😍 餐厅内楼底高挑，欧陆风装潢﹑水晶吊灯，流露出非凡气派。Set lunch价钱颇亲民，人均$1,098已经食到5-courses，比起4-courses $988多一道鱼，抵食好多✅！当中有d特别菜式或加鱼子酱需要额外收费，丰俭由人。🥖𝑩𝒓𝒆𝒂𝒅点好菜后，店员端上一篮子每日新鲜焗制既面包，可以根据自己喜好拣口感偏软或硬既面包。值得一赞既系面包都系暖暖地既，保持温热口感。我试左两款软身面包都觉得好松软，真系唔错！另外店员会送上两款牛油，原味同咸味，搽落面包到更加滋味。🍽𝑨𝒎𝒖𝒔𝒆-𝑩𝒐𝒖𝒄𝒉𝒆法国菜精髓，开始用餐前先试一道由厨师发办既餐前点心。今次系一道红菜头带子莎莎，加以鱼子酱点缀。大厨用红菜头整成两片好薄既皮，中间夹住带子莎莎，口感丰富，颇为醒胃既一道餐前小食。𝑨𝒑𝒑𝒆𝒕𝒊𝒛𝒆𝒓♢ 🦞𝑳𝒐𝒃𝒔𝒕𝒆𝒓 𝒘𝒊𝒕𝒉 𝑴
Caprice门面设计相当低调，穿过走廊会见到无尽既落地玻璃窗，空间感十足，将维港对岸景色尽收眼帘😍 餐厅内楼底高挑，欧陆风装潢﹑水晶吊灯，流露出非凡气派。
Set lunch价钱颇亲民，人均$1,098已经食到5-courses，比起4-courses $988多一道鱼，抵食好多✅！当中有d特别菜式或加鱼子酱需要额外收费，丰俭由人。
🥖𝑩𝒓𝒆𝒂𝒅点好菜后，店员端上一篮子每日新鲜焗制既面包，可以根据自己喜好拣口感偏软或硬既面包。值得一赞既系面包都系暖暖地既，保持温热口感。我试左两款软身面包都觉得好松软，真系唔错！另外店员会送上两款牛油，原味同咸味，搽落面包到更加滋味。
🍽𝑨𝒎𝒖𝒔𝒆-𝑩𝒐𝒖𝒄𝒉𝒆法国菜精髓，开始用餐前先试一道由厨师发办既餐前点心。今次系一道红菜头带子莎莎，加以鱼子酱点缀。大厨用红菜头整成两片好薄既皮，中间夹住带子莎莎，口感丰富，颇为醒胃既一道餐前小食。
𝑨𝒑𝒑𝒆𝒕𝒊𝒛𝒆𝒓♢ 🦞𝑳𝒐𝒃𝒔𝒕𝒆𝒓 𝒘𝒊𝒕𝒉 𝑴𝒖𝒔𝒉𝒓𝒐𝒐𝒎 𝑩𝒂𝒗𝒂𝒓𝒐𝒊𝒔 𝒂𝒏𝒅 𝑨𝒏𝒊𝒔𝒆 𝑭𝒍𝒂𝒗𝒐𝒓
龙虾伴蘑菇奶冻及八角 ‧ 龙虾已经切成片状，摆放到好似一朵花咁，非常精致。试过原味后，可以试下点蘑菇同八角整成既奶冻，香气浓郁。
♢ 🦀𝑨𝒍𝒂𝒔𝒌𝒂 𝑲𝒊𝒏𝒈 𝑪𝒓𝒂𝒃, 𝑪𝒓𝒖𝒔𝒕𝒂𝒄𝒆𝒂𝒏 𝑱𝒆𝒍𝒍𝒚, 𝑮𝒊𝒍𝒍𝒂𝒓𝒅𝒆𝒂𝒖 𝑶𝒚𝒔𝒕𝒆𝒓 𝒂𝒏𝒅 𝑶𝒔𝒄𝒊𝒆𝒕𝒓𝒆 𝑷𝒓𝒆𝒔𝒕𝒊𝒈𝒆 𝑪𝒂𝒗𝒊𝒂𝒓 (+$𝟔𝟓𝟎)阿拉斯加蟹肉伴海鲜啫喱及法国生蚝配特级鱼子酱 ‧ 餐厅招牌之一，加钱都值得！首先摆盘已经好吸睛，用左螃蟹造型既碗装住美食，好有心思。海量鱼子酱底下系蟹肉丝﹑金箔，同埋整成啫哩状既生蚝，鲜味十足，呢个搭配毫无违和感，每口都好满足！
𝑺𝒐𝒖𝒑♢ 🦆𝑫𝒖𝒄𝒌 𝑪𝒐𝒏𝒔𝒐𝒎𝒎𝒆 𝑾𝒊𝒕𝒉 𝑭𝒐𝒊𝒆 𝑮𝒓𝒂𝒔 𝑹𝒂𝒗𝒊𝒐𝒍𝒊
鸭肉清汤配鸭肝云吞 ‧ 店员即席倒汤，保持温热，仪式感满分。或者系过于真材实料，鸭汤整体味道比较重，过于浓郁，不过鸭香十足，喜欢重口味既人或者会钟意呢个汤。碗中仲有3件鸭肝云吞，皮薄馅靓，入口系浓郁软腍既鸭肝味道，十分滋味。
𝑭𝒊𝒔𝒉♢ 🎣𝑫𝒂𝒊𝒍𝒚 𝑾𝒊𝒍𝒅 𝑪𝒂𝒖𝒈𝒉𝒕 𝑭𝒊𝒔𝒉 𝑴𝒊𝒍𝒍𝒆𝒇𝒆𝒖𝒊𝒍𝒍𝒆 𝑾𝒊𝒕𝒉 𝑳𝒆𝒆𝒌 𝑨𝒏𝒅 𝑷𝒐𝒕𝒂𝒕𝒐, 𝑴𝒊𝒙 𝑯𝒆𝒓𝒃𝒔 𝑺𝒂𝒖𝒄𝒆
时令鲜鱼伴千层大葱马铃薯配香草汁 ‧ 成个presentation好似一件cake咁靓，赏心悦目。当日用左多宝鱼，鱼肉滑嫩，配上薯仔片﹑韭葱同香草汁，味道刚好，唔会盖过鱼肉既鲜嫩味道。
♢ 🍾𝑭𝒊𝒔𝒉 𝑸𝒖𝒆𝒏𝒆𝒍𝒍𝒆𝒔 𝑾𝒊𝒕𝒉 𝑺𝒉𝒆𝒍𝒍𝒇𝒊𝒔𝒉 𝑨𝒏𝒅 𝑪𝒉𝒂𝒎𝒑𝒂𝒈𝒏𝒆 𝑺𝒂𝒖𝒄𝒆法式鱼肉慕丝伴海鲜配香槟汁 ‧ 鱼肉慕丝整成椭圆形，size刚好可以一啖放落口~ 质感好柔软，鱼味浓郁得黎又唔会有腥味，而且唔会觉得太腻。最正系个香槟汁，为慕丝增添酒香，啖啖都系满足感。
𝑴𝒆𝒂𝒕♢ 🐓𝑺𝒍𝒐𝒘 𝑪𝒐𝒐𝒌𝒆𝒅 𝒀𝒆𝒍𝒍𝒐𝒘 𝑪𝒉𝒊𝒄𝒌𝒆𝒏 𝑹𝒐𝒍𝒍 𝑾𝒊𝒕𝒉 𝑪𝒆𝒍𝒆𝒓𝒊𝒂𝒄, 𝑨𝒍𝒃𝒖𝒇𝒆𝒓𝒂 𝑺𝒂𝒖𝒄𝒆
慢煮黄油鸡卷伴芹菜配奶油汁 ‧ 大厨好用心咁将鸡切成片状，然后包成圆形，卖相有惊喜~ 黄油鸡出名肉质香甜，入口好滑嫩，而奶油汁香气十足，芳香浓郁。
♢ 🥩𝑩𝒆𝒆𝒇 𝑪𝒉𝒆𝒆𝒌 𝑾𝒊𝒕𝒉 𝑴𝒖𝒔𝒉𝒓𝒐𝒐𝒎 𝑨𝒏𝒅 𝑷𝒐𝒕𝒂𝒕𝒐 𝑷𝒂𝒏𝒊𝒔𝒔𝒆牛脸颊伴蘑菇及香脆薯块配红酒肉汁 ‧ 好耐都无食过肉质咁软腍既牛脸颊肉，彷佛入口即溶咁，完全唔洗费劲去咬，点埋红酒汁更加香，非常出色！配菜蘑菇同样好味，碟边仲整左一粒粒既蘑菇酱，别致又用心。
𝑫𝒆𝒔𝒔𝒆𝒓𝒕𝒔♢ 🧁𝑴𝒐𝒏𝒕 𝑩𝒍𝒂𝒏𝒄 𝒂𝒏𝒅 𝑴𝒂𝒏𝒅𝒂𝒓𝒊𝒏, 𝑽𝒂𝒏𝒊𝒍𝒍𝒂 𝑰𝒄𝒆 𝑪𝒓𝒆𝒂𝒎
法式栗子蛋糕伴橘子配云呢嗱雪糕 ‧ 男朋友准备既生日惊喜，碟边既英文字写得好靓！店员大推呢个甜品，栗子蓉质感好绵滑，入面有橘子粒粒，可以中和栗子既腻，口感更清新。
♢ 🍫𝑪𝒉𝒐𝒄𝒐𝒍𝒂𝒕𝒆 𝑺𝒐𝒖𝒇𝒇𝒍é, 𝑽𝒂𝒏𝒊𝒍𝒍𝒂 𝑰𝒄𝒆 𝑪𝒓𝒆𝒂𝒎 (+$𝟏𝟓𝟎)朱古力梳乎厘 ‧ 男朋友形容为非常出色既梳乎厘！店员教我地系梳乎厘上面开个窿，然后放雪糕入去，将梳乎厘同雪糕一齐食，冷热交融口感非常正~ 而且梳乎厘够松软，充满空气感，朱古力味非常浓郁，每啖都好滋味！
🍬𝑭𝒓𝒆𝒆 𝑺𝒏𝒂𝒄𝒌♢ 𝑷𝒆𝒕𝒊𝒕 𝑭𝒐𝒖𝒓
食左咁多野，估唔到最后仲有甜品送~ 3款精美甜点摆放系皮盒上，优雅高贵。建议由梨挞食起，味道酸甜，清新怡人。中间系牛奶朱古力，仲印上Caprice招牌，别具特色。最后系棉花糖朱古力脆脆，棉花糖上有烧焦香味，软腍腍口感加上朱古力脆脆，好有层次感！
☕️𝑻𝒆𝒂 𝑶𝒓 𝑪𝒐𝒇𝒇𝒆𝒆♢ 𝑪𝒐𝒇𝒇𝒆𝒆 ‧ 可以按喜好自己加奶同糖，味道正常。
♢ 𝑭𝒐𝒖𝒓 𝑺𝒆𝒂𝒔𝒐𝒏 𝑯𝒐𝒖𝒔𝒆 𝑻𝒆𝒂 ‧ 带茉莉花加薰衣草香气，散发芳香，茶味唔会过浓，几有惊喜！店员仲会过黎续杯添~
🥂𝑫𝒓𝒊𝒏𝒌𝒔♢ 𝑹𝒐𝒔𝒆 $𝟏𝟓𝟖
ɢʀᴀᴘᴇꜰʀᴜɪᴛ | ʀᴏꜱᴇ | ʟɪᴍᴇ
店员推荐呢杯cocktail，粉红色卖相好岩打卡。面层洒上玫瑰粉，入口系清新西柚同酸橙味道，唔会过酸。
♢ 𝑪𝒂𝒇𝒆 𝑪𝒂𝒍𝒗𝒂 $𝟐𝟓𝟎
ᴛʀɪᴇᴅ & ᴛʀᴜᴇ ᴠᴏᴅᴋᴀ ɪɴꜰᴜꜱᴇᴅ ᴠᴀɴɪʟʟᴀ | ᴛᴏɴᴋᴀ | ᴍʀ ʙʟᴀɴᴋ | ᴄᴀʟᴠᴀᴅᴏꜱ ᴍɪᴄʜᴇʟ ʜᴜᴀʀᴅ 20 ʏᴇᴀʀꜱ
男朋友点左呢杯mocktail，杯上有块好薄既朱古力，几脆口。饮品带有浓烈既Vodka加咖啡香味，几有特色。
店员服务好细心，仔细介绍每一道菜式，不过我同其他食过caprice既朋友都觉得佢地讲野太官腔，有D似录音机咁对答，如果表现更加自然会更好。另外店员都好热心帮我们影相，识揾角度，加分💯整体黎讲，环境同食物都好满意，每道菜式既配菜﹑酱汁都绝不马虎，尽显大厨创意同心思👍🏻 人均唔洗2千就食到米芝莲3星法国fine dining，绝对物超所值✅
张贴
