麥記美食 (景文樓)

营业中

休息中

想過嚟食呢間麥記美食好耐，佢已經連續九年拎到美芝蓮必比登推界。知道佢係對面街開咗新分店，可以堂食，就特登過嚟試吓。先去舊鋪打個卡，新店就係同一條街過一個路口，行過去3分鐘都唔洗。鋪頭唔大，見到廚房入面師傅包緊餃子。呢度必點窩貼、生煎包，另外我叫多個小籠包黃金雞翼同酸辣湯。窩貼形狀好靚，新鮮煎起餃子皮脆底又夠煙韌。生煎包非常之脆，重會爆汁，整到成手都係食嘅時候要小心。小籠包皮薄多汁，唔會差過其他小籠包名店。呢三款真係比到驚喜我。