軟橋米苔目餐廳 (已搬遷) 新店位置

朋友话深水埗有间台式野好食，系好奇心驱使下，就陪左佢出鸭记。买完佢系咁话带我食「咪抬木」，我一直都唔知佢究竟讲紧乜。直至我见到餐厅招牌先知原来系米苔目。讲开米苔目，我台湾有朋友带我食过，仲话好多台湾人都偏好食佢黎做早餐，估唔到连香港都食到。呢间餐厅既米苔目有别于台湾，台湾就多数系油葱，清汤形式，而佢就有齐猪骨、沙嗲、冬荫公、酸辣、麻辣、泡菜、方鱼汤底，就连配料都廿几样。牛肉扎肉冬阴公汤米苔目墨鱼丸云吞酸辣米苔目由于米苔目系用米浆制成面条，所以口感唔似其他面条Q弹。值得欣赏系佢地既米苔目做到一食就化，仲有满口既米香。而配料都唔马虎，我非常推荐墨鱼丸，弹牙到成粒乒乓波咁。酸辣汤底几好味，唔似出面一味死咸死酸死辣。麻辣牛肉朋友唔食得辣，要左小辣。牛肉熟而冇过老，感觉煮完有过冷河。腌得挺入味，蒜麻味都够。食到辣建议试中辣或大辣。香煎脆皮肉饼估唔到咁脆，又香口又惹味。外面煎得好，里面锁得住肉汁。Ｑ弹豆腐食落够Q弹，感觉似鱼蛋多过豆腐，但又有豆腐既豆香同质感。外面加左少少椒盐，食落异常香口。想食到古早味既朋友，不妨去试下。