嚟喇喂 (已結業)

好日都唔黎开黄大仙探朋友，成日都见到啲报导介绍竹园新开好多档野食，就顺便打算黎见识下到底有咩好食。见到呢间舖头满哂座妈似几多人食就决定试一试下佢。试左好多人食既锡纸粉丝锅，估唔到呢个价钱黎讲都几好味，汤底几惹味唔系食完会好颈渴个啲。蚬肉竟然无沙洗得几干净，而且一兜都有好多粒，唔系平时雪左劲耐过夜个啲伏味。虽然我平时唔多食开辣，但佢既少辣真系几香口都好试得过。期间见到好多街坊过黎都叫米线外卖，下次都想试下系咪都咁掂。整体黎讲以呢区性价比黎讲算ok，起码见到其他档无乜人帮衬但呢档都keep住有爆场。