賢河日本料理

营业中

休息中

贤河日式料理粉岭区日式放题系完全冇其他餐厅做架，贤河系呢区唯一既一间。呢间餐厅喺花都广场地舖，空间唔算非常大，但坐位算系舒服，亦算得上清洁卫生。食放题会用QR code落单点菜，上菜速度亦算快。虽然上菜摆盘比较简单，但重点系食物质素如何。食物方面，刺身鱼生甜虾新鲜好味，份量足，质素好。而寿司方面亦有好多唔同选择，加上每件都细细件，唔怕食得太多饭太饱试唔到其他款式既𩠌菜。熟食方面，有一品料理，天妇罗同其他炸物，大部份都非常有质素，款式繁多，有好多不同选择，最出色上菜既时候仲热辣辣，仲有时小心会烫到嘴，炸物真系脆到索索声，真心好味。特别推介一口牛，认真系外脆内软，非常惹味。唯一一个缺点就系甜品，真系麻麻地，希望未来可以改善一下咁就完美。二百几蚊一位日式放题呢个价钱真系性价比高到不得了，加上食物质素唔差，值得推荐。