水戶日本料理

营业中

休息中

🔸海胆炒饭 $78海胆份量好少，除左放系上面果两旧海胆之外，个饭都见唔到同食唔到有海胆。但系个海胆如果自己捞落饭入面有好难捞，如果就咁食又好酱旧少得济。之前食过一次，啲海胆真系同饭一齐炒，每啖食落都有海胆味。但系今次唔同左，无上次咁好食。🔹清酒煮蚬 $52 份量都好多，而且差唔多个个壳都有肉系入面，无甩晒出黎。不过好多只入面都有好多沙😖如果洗干净啲会好啲。同埋食落好似唔够鲜甜，腥味有啲重。🔸唐扬一口鸡 $34每旧鸡都好滑好juicy，仲有个沙律酱配埋一齐几好食，个酱酸酸味味几开胃。🔹芝士焗帆立贝 $34粒帆立贝唔会太老而变得好难咬，而且唔会话太细粒。上面有好大pat芝士，食完觉得漏漏地，即刻饱左好多。🔸黄金鱿鱼军舰 $18 唔系度度都有依款寿司食，所以每次见亲我都必嗌。好明显系即叫即造，块紫菜好脆，而啲黄金鱿鱼感觉都几新鲜。好味到叫左两次😆🔹鳗鱼寿司 $42 鳗鱼都算长，唔会太细旧，虽然好食，但$42两年感觉有小小贵。🔸三文鱼寿司 $16 唔系叫三文鱼腩，但系都好似有小小腩位。🔹三文鱼刺身 $48虽然得5片，但每片都有厚度，就系要厚先好食。三文鱼啲色泽都几靓，新鲜过寿司果啲三文鱼。