梨泰院 (瓏山1號) (已結業)

难得今日放假就去揾住喺粉岭珑山1号嘅朋友食野。朋友话佢楼下有间叫「梨泰院」韩式餐厅唔错就去试下。Set lunch吉列猪扒蛋包饭($68)送泡菜同热饮蛋好香。猪扒有咬口。个饭好大个！要同朋友两份先食得晒！旁边重有少少沙律菜。加$18转「士多啤梨沙冰」特饮最顶唧左忌廉和士多啤梨酱，成杯沙冰呈粉红色和白色双间，卖相好靓～少女心满泻！😍饮落甜甜地，食埋沙冰透心凉～🥰嗌左个小食——韩式煎锅贴($42)外皮煎得够脆，入面有粉丝。点埋旁边嘅酸汁份外滋味😋加$18嗌「杂果梳打」特饮有d百香果重有杂果粒，一边饮一边食，配上梳打，感觉清爽。最后嗌埋个甜品「士多啤梨雪糕煎糖饼」($68)未食过煎糖饼好新奇！云尼拿雪糕放在煎糖饼上，煎糖饼旁铺了士多啤梨片，加上朱古力酱，sweet得黎有士多啤梨嘅酸味互相平衡。糖饼烟烟韧韧上面有啲杏仁碎，满口杏仁香。