影片
更多
2014-11-27
5619 浏览
约埋好友一齐相聚，揾间好坐嘅餐厅倾偈，上openrice揾到呢间，地方睇落几好坐，系酒吧为主嘅餐厅！大家可以饮下酒！去到门口几型格，入到去反而以东南亚木刻装饰，灯光昏暗，靠窗仲有卡位自成一隅，我们被安排坐店中央四人方枱，木枱几阔落，唔迫，店员先点蜡烛，放低花生连碗（装壳用）仲好详细介绍有嘅套餐同优惠，wine list系用电子餐牌 其他食品就用座枱餐牌，以送酒食物为主，不过灯光太暗，餐牌又系黑底，都睇得几辛苦，我哋拣了店员介绍嘅款白酒（以易入口，果味重，配搭海鲜），一支酒送一款小食，再加个海鲜拼盘！都系送酒为主！ 食物都要等一阵，首先上嘅系支白酒，Grant Burge Moncato Rosa 2013, 连冰桶一齐上，樽身会包条餐巾方便攞起倒酒！酒杯都冰冻咗 ，倒出来一刻好惊喜嘅粉红色 ，衬晒我哋班红粉佳人 店员先比我们试饮一啖，好香果味，偏甜易入口，唔似白酒反而比较似甜酒，净饮都ok!店员会讲埋呢支酒来源地、特色等（唔只卖酒，好多资讯 ）之后食物陆续上场！先来个海鲜拼盘（拼盘好多选择）一大个冰蓝色大碗装满冰，碗底仲有灯光衬托，卖相好靓 然后上面放满不同种类海鲜！（半
食物都要等一阵，首先上嘅系支白酒，Grant Burge Moncato Rosa 2013, 连冰桶一齐上，樽身会包条餐巾方便攞起倒酒！酒杯都冰冻咗 ，倒出来一刻好惊喜嘅粉红色 ，衬晒我哋班红粉佳人 店员先比我们试饮一啖，好香果味，偏甜易入口，唔似白酒反而比较似甜酒，净饮都ok!店员会讲埋呢支酒来源地、特色等（唔只卖酒，好多资讯 ）
之后食物陆续上场！先来个海鲜拼盘（拼盘好多选择）一大个冰蓝色大碗装满冰，碗底仲有灯光衬托，卖相好靓 然后上面放满不同种类海鲜！（半只龙虾、半只面包蟹、3只甜虾、3只翡翠螺、6只蓝青口、1只车厘蚬）有两款汁（茄汁、黑醋汁）我们一路饮一路食，面包蟹好多膏，龙虾肉清甜，青口淋身唔韧，甜虾爽甜，翡翠螺大只厚肉，用小叉好易叉出螺肉，我自己唔钟意落酱汁，想食到海鲜原味，呢个拼盘样样有啲！总有一款啱心水！
日式厚切牛柳粒，摆盘好靓，日式即系豉油汁同木鱼片，豉油汁偏咸，如果点烧汁会好啲，所以我唔点汁，牛柳应该淋身，但呢个又较韧，牛味重，一啖一粒，送酒唔错！
店员好勤快，好爽手，上菜收碟都有礼！我们饮完支酒继续倾偈，佢会比杯水我们继续倾，店员会不时问下我们需要！帮手影下相！晚饭时间都爆场！好多都系摸下酒杯底倾偈饮酒！气氛继好！隔离枱嘅cocktail好靓，下次可以试下!
张贴
