美滋鍋 (家樂坊)

营业中

休息中

好彩系肺炎又爆之前去食左次火锅，唔系唔知又要等到几时。今次帮衬既美滋锅已经系我心目中既锅排行榜头几位，食物新鲜好味，选择又多，最紧要系坐得舒服，同埋职员都好nice。因为觉得价钱差唔多，所以几次黎都系拣四合一汤底，款款都有特色又足料，建议大家系开始落配料之前饮少少试下个味，够哂滋润！美滋锅其中一个特点就系酱料选择超多，一定沟到自己中意既口味。除左酱料之前仲有啲任食既餐前小食同生果，想健康食火锅都得～饮品有几个价钱，我通常都拣无限refill，唔洗落order，店员通常都会自动黎帮你refill。配料就唔洗点讲啦，应有尽有，可以拣一份或者半份，价钱都均真，唔会话叫半份就贵左。花胶、鸭血、牛肝菌都系我几推荐既配料，都好大份新鲜。