Error 19 (已結業)

粉红控一听到有相关餐厅，就梗系要同朋友去食饭影相。去到餐厅居然有意外惊喜，到处都系Mirror嘅装饰……黑松露芝士薯条薯条炸得金黄香脆，加埋表面溶咗嘅芝士一齐食，唯一可惜个汁冇乜黑松露味。卡邦尼意粉卡邦尼意粉个汁好浓，意粉软硬适中，水凖不过不失。烟三文鱼吐司烟三文鱼吐司有烘底，最惊喜系有牛油果酱，配埋烟三文鱼食好夹。宇治抹茶十胜红豆梳乎厘梳乎厘质感做得好松软，表面微苦嘅抹茶酱加埋少少甜嘅红豆蓉，成件事食落好平衡，会令人食到停唔到口。草莓拿破仑粉红色同白色嘅cream好滑又唔会太甜，士多啤梨好甜，配埋松化嘅拿破仑食一流。Chocolate& Matcha Latte两杯饮品嘅拉花都好靓，饮落唔会好甜，Cafe黎讲正常发挥。总括而言，餐厅环境舒适，适合钟意打卡嘅朋友，粉红迷同镜粉不能错过。