Sweet Craft

营业中

休息中

我自己不嬲唔系好钟意食甜品，都唔钟意食冰，今次都系陪朋友嚟食，点知意外地好好味。舖头唔大，侧边几张枱仔可以坐低食，本身谂住买走一路行一路食，但最后有位就决定坐下坐低食。得一个店员，落单又系佢，整野食又系佢，所以要等一等，就算冇人排队，都要等佢整完先可以过嚟落单。我哋叫咗个果蜜白桃粉雪冰 $54等咗十分钟左右，因为我哋前面仲有几杯未整，都好彩店员唔系整好晒先嚟同我哋收钱落单，如果唔系真系有排企系度等。上面个奶盖好滑，少少咸，唔甜，平时好少食奶盖嘅我都觉得好食。下面有桃汁、冰、桃肉，唔会太甜，有桃嘅清甜，好清香。