貴川風味館 (已搬遷) 新店位置

天时暑热，胃口欠奉，经过贵川就被水牌新出嘅夏日凉拌系列所吸引。入到去坐低至知凉拌可加嘅配料有限，最后都系转返平时食开嘅热拌。+$2转薯粉，口感烟韧，感觉比米线更有饱足感；同基本肉酱、葱、酸菜、芽菜拌匀，但唔太足料，芽菜得两三条辣酱几够味，嗜辣成性嘅我难得食到啲辣味，下次可以试试劲辣！猪软骨（+$14）：得两细旧，芝士丸大细，胜在炆得稔软，软骨位已融化成胶状。鸡丝（$10）：正常份量，唔鞋唔滑，同谭仔差唔多。从卖相可见，色泽比坊间一般皮蛋更晶凝通透，唔知系咪品种有别，食起嚟有阵独特嘅香味；蛋黄成溏心状，配以带椒香嘅辣油，食落更香口不腻。店员落单同接收能力比较慢，要重覆四五次先成功落到单，餐厅配料选择唔多，无鱼肉春卷，下次会试第间。