雄記牛腩王

营业中

休息中

食港式嘅潮州粉面，云吞、水饺、鱼蛋各有所好，但讲到粉面舖嘅灵魂，一定系𠮶个又香又浓嘅腩汁。位于旺角嘅雄记牛腩王，喺门外路过已经闻到香喷喷嘅腩汁，作为我嘅comfort food之一，忍唔住入嚟食番碗先得。牛三宝面 牛三宝有齐牛腩，牛筋同金钱肚，但重点当然系加上香浓腩汁嘅汤底。牛腩嘅肉味突出，肉质软腍；牛筋胶质丰富，够晒入味；牛肚弹牙爽口，同样出色。至于面底份量十足，够晒饱肚。咖哩崩沙腩饭 最正嘅当然系崩沙腩啦！崩沙腩系牛腩中最矜贵嘅部份，系牛肚皮嘅腩位，位于牛嘅横膈膜附近，表面有一层横膈膜连腩肉，呢个部份嘅肉质更软腍腍，肥瘦适中。至于咖哩汁嘅辣味适中，用嚟捞饭一流！