九爺牛腩 (佐敦道)

营业中

休息中

成日未食过嘢，去探病之前食个下午茶。搜寻过好多附近嘅茶餐厅，就系冇边间想食。心啰啰挛又想食牛腩河，但系见佢门面有个西式嘅下午茶，望落去有几吸引，所以就入去呢个快餐。估佢唔到粉面舖杯奶茶都整得几有水准，我叫咗少奶㗳得出个茶味都几浓。本身谂住快食，但系都等咗一段时间。不过我想话但系值得嘅。西多士超邪恶平时真系无食。不过唔想食沙律，就要西多士。切开第一下见佢白色面包，系有少少失望。点知切到中间心就有惊喜，系有花生酱㗎！当堂成件事升华咗。薯条都系新鲜炸唔会滋滋。个鸡脾落去都好得体。虽然食落去有少少嚡，但系个味有啲癫，估佢唔到落咗孜然粉去腌𠮶只鸡髀。同埋切开中间望落真系生炸鸡髀。以依家$40下午茶呢个质素真系超班，同埋侍应服务都好好，醒目又勤快，自动波拎晒啲调味料过嚟。呢一餐下午茶真系好满足。